Patingin-tingin si Ashley sa paligid ng supermarket. Nasa personal care section siya at iniisa-isa niyang tignan ang mga estante na naroon. Naisipan niyang mamili ngayon ng mga personal niyang gamit gaya ng napkin, tissue, feminine wash at iba pa.
Patuloy lamang si Ashley sa paglalakad habang tulak-tulak ang maliit na push cart na paglalagyan niya ng kanyang mga pinamili. Kinukuha sa mga estanteng nadadaanan niya ang mga bagay na dapat niyang bilhin.
“Tingnan mo nga naman, nandito pala sa supermarket ang malanding ahas.”
Napahinto sa paglalakad si Ashley. Tumaas ang kanang kilay sa narinig na mga salitang iyon. Nilingon niya ang nagsalita at nakita niya si Sasha na nakatayo sa hindi kalayuan.
Ngumiti si Sasha. Tila modelo itong naglakad sa runway palapit kay Ashley. Pumunta siya sa har
