Magkaharap na nakaupo sa hapagkainan sina Oslo at Ashley. Nakahain sa mahabang lamesa ang mga nilutong pagkain para sa hapunan na tahimik nilang pinagsasaluhang kainin. Walang gustong magsalita sa dalawa kaya naman nakakabingi ang katahimikan ng paligid nila.
Pakiramdam ni Ashley ay parang may pader na nakaharang sa kanilang dalawa ni Oslo. Pakiramdam niya ay parang ang layo nila sa isa’t-isa kahit isang mahabang lamesa lang naman ang nasa gitna nilang dalawa.
Lumipas ang maraming minuto ay nagbuntong-hininga si Oslo. Napatingin naman sa kanya si Ashley na narinig ang pagbuntong-hininga ng una.
“Oslo,” pagtawag ni Ashley kay Oslo.
Nag-angat ng mukha si Oslo. Tinapunan niya ng tingin si Ashley. Hindi siya nagsalita.
Ngumiti nang maliit si Ashley. Huminga muna siya sandali saka nilakasa
