Gulong-gulo na ako, maski ako hindi ko alam kung ano ba 'tong nararamdaman ko, naiinis ako sa sarili ko, sa mga bagay sa paligid ko, kay Hunter kasi hindi ko alam kung bakit ayaw niya na magpakasal kami.
Nilunok ko na yung pride ko na kailangan siya ang mag-propose at hindi ako. Sige, hindi ko naman siya mapipilit pero bakit?
Anong dahilan niya? bakit ayaw niya? kasi wala akong makitang masama kung magpapakasal kami ngayon tutal 'yon naman ang balak namin noon pa. Tapos ngayon nagbago na at hindi ko maintindihan lalo pa at may anak na kami.
Hindi naman p'wede na idahilan niya na mag-focus muna kami sa pagpapalaki kay Gino, kasi mas makakabuti naman diba na kasal na kami bago pa man magkaroon ng muwang ang anak namin?
Hindi ko siya kinikibo, ayoko muna dahil hindi ko talaga kaya na wa
