MARIIN ang pagkakakuyom ng mga kamao ni Jayford habang papalabas ng headquarters. Pinsan at kuya na niya ang nasa loob at hindi na siya basta maghihintay tatanga nalang. Kailangan na niyang kumilos at kung kailangang komprontahin niya ang ninong niya at alamin rito kung may kinalaman ba ito sa mga nangyayari ay gagawin niya.
“Mr. Evans, ano pong masasabi niyo sa umano'y pagnanakaw ng pinsan niyo sa sarili ninyong kompanya?”
“Mr. Evans, totoo ba ang mga paratang sa pinsan at kapatid mo?”
“Mr. Evans, sa tingin mo ba, may tao sa likod ng mga nangyayari sa inyo?”
Napaatras si Jayford dahil sa biglaang pagsugod at pagdagsa ng mga reporters sa harapan niya. Halos maipit siya, mabuti nalang ay tinulungan siya ng mga pulis na nakapansin sa nangyayari.
“Mr. Evans.”
Ilang saglit pa ay may ruma
