“Ma’am, may naghahanap po sayo sa sala. Kanina pa po naghihintay, hindi lang namin kayo makatok, dahil bilin nila Sir, wag ka daw gisingin.” mahaba na sabi ng aking kasambahay.
“Okay, bababa na ako. Pakainin muna ninyo, susunod ako,” sabi ko sa babae.
Wala naman akong inaasahan na bisita. Sila Mommy Jeraine ay dinalaw pa lang namin last week. Ngayon nga ay nandoon ang anak ko na si Hayden.
Ang mga hipag ko naman, abala sa kani-kanilang buhay. Sa linggo pa yun dito pupunta. Monthly kami nagpapalitan ng bahay na venue.
Nasa kalahati pa lang ako ng hagdan, biglang na estatwa ako ng makita ang babae na nakaupo sa sofa. Halos tatlong taon ang lumipas, ganitong ganito din ang pangyayari.
“Bff!” Malakas na sigaw ni Stefani. Niyakap ako nito at hinalikan sa pisngi.
Ganitong-ganito ito
