Pagdating ko ng bahay ay hindi ko siya inabutan. Lumabas ako para hanapin siya pero---wala talaga ito. Pati ang sasakyan nito ay wala. He's really mad right now. Pinapanalangin ko na lang na wala itong gawing masama at ligtas ito.
I tried calling him pero pinapatayan niya ako ng tawag. Halatang ayaw niya akong makausap kaya hinayaan ko muna siya panandalian.
Nanlulumo akong napaupo sa aming higaan. Sana hindi ko na lang muna sinabi sa kanya ang tungkol sa kasal. Pero kapag pinatagal ko pa---baka mas magalit siya sa akin.
Napaiyak na lang ako sa kakaisip kung saan siya pumunta. Sinubukan kong muli itong tawagan pero out of reach na ang numero niya. Alam ko naman na masakit iyon para sa kanya pero anong magagawa ko? Ayokong maglihim dito at mas ayokong sa iba nito malaman ang lahat.
