UMIKOT ang paligid na tila ba nasa isa akong palabas sa telebisyon. Sa pagdilat ko, nakita ko ang nagkakagulong mga estudyante sa akademya. Nalilito ako kung bakit ako narito, hindi ko maalala na minsan akong nalagay sa ganitong sitwasyon. Siguro ay isa ito sa mga nawalang alaala sa akin.
Bumaba ang tingin ko sa aking dalawang kamay. Nakita ko roon ang hawak kong dalawang hand g*n. Nanlaki ang mata ko nang makitang duguan ang aking soot na damit.
"Lhexine!" malakas na sigaw ni Sandra mula sa likuran ko. Awtomatiko akong umiwas at nagtago sa isang nakabuwal na lamesa. Nakita kong nabuwal ang lalaking nagtangkang bumaril sa akin nang walang awang pasabugin ni Sandra ang ulo nito. Sa paglipat ng mata ko ay nakita kong may lalaking nakatago sa poste, nakatutok ang b***l nito kay Sandra. Wa
