"TYLA!" Papasok pa lamang ako ng classroom nang patakbo akong sinalubong ng yakap ni Harlette na ikinabigla ko.
Tumagal ang yakap niya sa akin kaya hinagod ko ang kanyang likod at automatikong napangiti.
"Kamusta?" tanong ko at kita ko ang namamaga niyang mga mata.
"What happened to you?" tanong ko na bakas ang pag-aalala sa boses ko kasabay nang paghagod ko ng tingin ko sa kanya.
Nagulat naman ako nang bigla niya akong hampasin na ikinaawang ng bibig ko at naguguluhan siyang tiningnan.
"Kami dapat ang magtanong niyan! Anong nangyari sa iyo?! Bakit may isang linggo ka hindi nakapasok?" pagalit niyang sinabi na may himig din naman ng labis niyang pag-aalala.
Kaya ba namumugto ang mga mata niya dahil iniyakan niya ako? Ganoon ba kalaki ang kawalan ng aking presensya sa ilang araw kong
