"Good night po papa."
"Good night din sayo lil' big boy. O sige na matulog ka na." Bilang pagtugon, tumango siya sa akin.
Ipinikit na niya ang kanyang mga mata at maya-maya'y naging malalim na ang paghinga. Ibig sabihin, tulog na ang diwa niya.
Nang masiguradong hindi na siya magigising ay lumabas na ako ng kwarto pero bago iyon, pinatay ko muna ang ilaw.
Napatitig ako sa pinto ng kwarto ni Xander. Napabuntong hininga ako sa pagkadismaya dahil mukhang hindi na naman kami magkikitang dalawa ngayong gabi.
Isang linggo na rin ang nakalipas na ganito ang sitwasyon namin naming dalawa. Nagkikita naman kami sa umaga subalit sandaling oras lang iyon sapagkat palagi siyang nagmamadali. Naiintindihan ko naman kung bakit ganoon dahil may kinakaharap pa siyang malaking problema sa kanyang kompa
