Pakiramdam ko bumalik ulit ang normal na buhay ko sa bahay ng mga Montenegro. Akala ko wala ng pag-asa, akala ko hindi na ako kayang mahalin ni Xander, akala ko wala ng patutunguhan itong pag-ibig ko sa kanya. Matutupad din pala at unti-unti ko ng nakakamit ang lahat ng pangarap ko sa kanya.
Isang linggo na ang nakalipas nang sabihin sa akin ni Xander na mahal niya ako at sa bawat araw, pinararamdam niya ito sa akin. Napag-usapan na rin namin ang tungkol sa kung bakit naging iba ang pakikitungo niya sa akin simula nang dumating si Chelsea. Ginagawa niya lang daw iyon para hindi siya kulitin ng kanyang ina lalo na si Chelsea kaya pumapayag siya na ito ang maghatid-sundo kay Xavier sa paaralan at mag-alaga na rin minsan. Sabi pa niya, naging busy siya sa kompanya at ngayon daw may kinakahar
