"Hey, can you get me a glass of water? Dalian mo dahil nauuhaw na ako!"
Ito agad ang naging bungad ni Chelsea nang makarating silang dalawa ni Xavier pagkagaling sa eskwelahan. Napangiwi ang bata sa narinig na lalapit na sana sa akin.
Ningitian ko na lamang si Xavier at mabilis silang tinalikuran. Nagmamadali akong pumunta ng kusina at kumuha agad ng tubig. Pagbalik ko sa living area, nakaupo na siya sa sofa katabi si Xavier.
"Ito na Ma'am." Sabi ko at nilahad sa kanya ang baso. Kinuha lang niya ito sa akin at agad na tinungga iyon. Hindi talaga uso sa kanya ang magpasalamat bagkus binibigyan pa ako ng masamang tingin.
"Xavier, akyat na tayo sa taas, bibihisan na kita." Wika ko sa bata.
"Sige Papa." Tugon nito, tumayo at lumapit sa akin. Niyakap niya ako at nagpabuhat. Bago pa man bar
