Zeph Pov
"Kumusta na ang pakiramdam mo, Zeph?" tanong sa akin ni Alpha Hunter sa tono na may pag-aalala. Nang tinangka kong bumangon ay tinulungan niya ako para makasandig ako sa head board ng kama.
"Okay lang ako, Alpha Hunter. Salamat sa pag-aalala mo at sa muling pagliligtas mo sa buhay ko," mabilis kong pasasalamat sa kanya. "Patawad dahil umalis ako sa bahay mo nang hindi nagpapaalam. Nagpadala ako sa kasinungalingan nina Verly at Marga," paumanhin ko naman pagkatapos ay bahagya akong napayuko dahil nakaramdam ako ng pagkapahiya. Wala akong naidudulot kay Alpha Hunter kundi puro sakit ng ulo lamang. Baka dahil sa ginawa kong ito ay paalisin niya ako sa bahay niya. At kapag nangyari iyon ay hindi ko alam kung saan ako titira.
"Huwag mong alalahanin ang nangyari. Basta sa susunod ay
