Pinilit ni Carly na huwag mag-iwas ng tingin nang lapitan niya si River. Hindi rin nito inalis ang titig sa kaniya hanggang huminto at tumayo siya sa harapan nito.
Tumingala siya sa lalaki. “Good afternoon…”
“Good afternoon.” Bati rin nito.
Hindi pa mamalayan ni Carly na ilang sandali na silang nakatitig sa isa’t isa kung di pa tumikhim si Farah. Napalingon siya sa assitant na nakatayo sa tabi niya at nakitang parang itong kiti-kiting inasinan at hindi mapakali roon. Pakagat-kagat pa sa ibabang labi habang nakatitig kay River na akala mo masarap na pagkain ang lalaki.
Bilang boss, hindi niya madalas mapagalitan si Farah. Kahit kasi may pagka-tsismosa, nagagawa naman nito ng maayos ang trabaho. Pero ngayon parang gusto niyang ora-orada sisantihen ang babae. Bigla siyang nainis nang
