PABABA pa lang sa hagdanan naririnig na ni Carly ang umaalingawngaw na halakhak ng mga magulang. Pagsilip niya sa dining area, napangiti siya nang makitang nasa hapag ang mga ito kasamang kumakain ng agahan si Channel. A month ago mula no'ng umuwi sila parang bumata ng ten years ang parents niya.
"Lolo, you said we will go to the zoo! I want to see mockey and enephant and girafffeee!" Nabubulol pang sabi ng apat na taong gulang na bata habang namumuwalan ang bibig ng pancakes.
"Of course, Apo! Saan mo pa ba gustong pumunta! Dadalhin ka namin ng Lola mo," sagot naman ni Carson. Bakas sa mukha ang kasiyahan ganoon rin ng asawang si Lynette.
Humalukipkip si Carly at sumandal sa gilid ng pintuan habang pinagmamasdan ang apat na gulang na anak. Isang buwan matapos umalis ng bansa doon la
