''Nasaan po ang mga magulang niya?'' tanong ko at napatingin kung sa'n lumabas si Cassius.
''Siya ang magsasabi niyan sa'yo. Ayoko naman siyang pangunahan. 'Atsaka siya ang asawa mo.'' sabi ni Manang na para bang may kahulugan.
Napabaling ako sa kurtina nila. Natapos na nila at napatingin ako sa paligid para bang ang lungkot naman ng bahay.
''Ang lungkot naman ng bahay na ito! Bakit black? Sino namatay?'' sa pagkakatanong ko naman no'n ay ikinatawa naman nila sa akin.
''Ano'ng nakakatawa?'' sabi ko sa kanila na ikinailing naman nila.
''Ano bang gusto ninyong kulay?'' sa pagkakasabi niya na 'yon ay nagningning ang mga mata ko na para bang pinapayagan nila akong magdesisyon para sa design ng bahay.
''Gusto ko po ng puti... Tapos po may design na bulaklak para mailiwalas ang mansyon.''
