Chapter Thirty Nine
Tension
HINDI natuloy ang pagpasok ko sa kotse nang may humawak sa braso ko. Paglingon ko ay umiiling si Sander sa akin.
“Don’t leave like that, you’ll get sick again, Addie.”
Napunta ang tingin ko sa mamula-mulang labi niya at naalala ang halik na pinagsaluhan namin kanina. Ibang-iba sa mga nakaw kong halik noon sa kanya.
Ipinilig ko ang ulo ko’t iniwas ang tingin sa kanya.
“I’m fine. Sa bahay na lang ako maliligo,” sabi kong hindi magawang salubungin ang tingin niya.
“Did I scare you?”
“Huh?”
“Sa ginawa ko, natakot ba kita? Kung nag-aalala ka na gawin ko ulit ‘yon sa loob, I promise pipigilan ko ang sarili ko kahit mahirap.”
Pinamulahan ako ng mukha sa pagiging diretso niya. Nakamot ko ang kilay ko at pilit kong hinanap ang dating ako kung saan hindi uso
