Parang batang naglalakad sa daan si Sheila. Hindi niya alam kung saan siya pupunta matapos malaman ng kanyang anak ang nangyari. Ano na lang ang mukhang ihaharap niya rito? Halo-halo na ang emosyon na kanyang nararamdaman. Nasasaktan siya dahil alam niyang nasasaktan ngayon ang kanyang anak. Nasasaktan din siya dahil iyon na ang huling pagkikita nila ni Anton. Para siyang dinudurog habang nakikita niyang umiiyak ang dalawang importanteng tao sa kanyang buhay. Patuloy siya sa paglalakad hanggang sa marating siya ang bahay ng kanyang kaibigan. Nanginginig pa ang mga kamay niya habang kumakatok sa gate nito.
“V-Vangie!” garalgal ang boses na tawag niya sa kanyang kaibigan. Sarado na ang tindahan nito at madilim ang paligid. Napakunot ang kanyang noo. Mukhang wala pa ito rito. Nanghihina ang
