Tatlong araw. Tatlong araw na walang ginawa si Sheila kundi ang humiga sa kama niya. Kahit na may mga naririnig siyang nagtatawag sa labas ng kanyang bahay. Wala siyang ganang makipagkita o makipag-usap sa kahit na sino ngayon. Matapos ang tagpo nila ng dati niyang asawa’t anak ay hindi na niya nakausap muli ang dalawa. Sinubukan niya pang kontakin ang kanyang anak. Hinanap niya ito sa mga kapatid nito ngunit wala na. Ang sabi sa kanya ng panganay niya ay bumalik na raw si Jessa sa Maynila kasama ang tatay nito.
Hindi maiwasang makaramdam ng hinanakit si Sheila dahil bigla na lang siya nitong hindi kinausap. Ngunit sa tuwing pumapasok sa isip niy si Anton ay mas na gagaliw siya sa kanyang sarili. Kung hindi naman dahil sa kanya ay hindi magagalit si Jessa. Hindi ito maghihinanakit sa kan
