[THIRD PERSON’S]
“--- EREK, DEREK!”
Isang malakas na sigaw sa kaniyang pangalan ang nagpagising sa walang malay na si Derek. Dali-dali siyang bumalikwas sa hinihigaan niyang malamig na sahig. Dahil sa ginawa niyang ‘yon ay naramdaman niya ang pagkirot ng kaniyang buong katawan.
Nanlalaki ang mga matang inilibot niya ang tingin sa buong paligid para i-check kung nasaan na siya at kung anong oras na.
Nakita niya na nasa sahig pa rin siya, sa dati niyang puwesto, sa eskinita kung saan siya tumambay bago siya makipag-away sa isang hindi kilalang lalaki. Ang pagkakaiba lamang ay gabi na nang magising siya.
Lumingon siya sa taong tumawag sa kaniya at nakita niya sa kaniyang gilid si Carl na nakatingin sa kaniya, isa ito sa mga tauhan niya sa gang. Nakakunot ang noo nito, makikita sa mu
