[THIRD PERSON’S]
NANLALAKI ANG matang tinignan ng lalaking naka-itim na T-shirt si Derek nang bigla na lamang nitong hinawakan ang kuwelyo niya at saka hinila patayo pero agad ring nagbago ang reaksiyon ng lalaki nang mapagtanto nito ang ginawa sa kaniya.
Pagkatapos na marahas na maitayo ni Derek ang lalaki ay tinanong niya ito patungkol sa kung kilala ba ng lalaki ang kaniyang binabangga.
Mayabang ang tono ng pagkakatanong ni Derek sa lalaki para sindakin ito pero bagkus na matakot ay marahas na dumura lamang ito sa lapag at saka nanlilisik na tiningnan siya.
Marahas na hinawi ng lalaki ang kamay niya na nakahawak sa kaniyang kuwelyo. Nang mabitawan na ni Derek ang kuwelyo ng lalaki ay kalmadong pinagpagan ng lalaki ang kaniyang kuwelyo na nagusot.
Dahil sa ginawang ‘yon ng lalaki
