[ALTHEYA]
“I’M JUST returning the favor,” nagkibit-balikat na sagot ko nang tanungin ako ni Miss Bianca tungkol sa kung bakit punong-puno ng itlog ang katawan ng mga estudiyanteng nasa harapan ko puwera sa akin na mismong nasa harap nila.
Kung tutuusin kasi ay dapat ako ang tadtad ng itlog sa buong katawan dahil halos lahat sila ay mayroong tray sa ibabaw ng mesa na naglalaman ng tatlumpung piraso ng itlog.
Pero sa lahat ng ibinato nila sa akin ay wala ni isa ang tumama sa akin, bagkus ay ibinalik ko lamang sa kanila. ‘Yon ang dahilan kung bakit punong-puno ng itlog ang kanilang katawan, malagkit ang buhok at katawan, basa ang uniporme at malansang amoy ng itlog dahil sa itlog na nadikit sa kanilang uniporme at katawan.
Halos hindi makapaniwala si Miss nang sabihin ko ‘yon sa kaniya da
