[THIRD PERSON’S]
“WHAT’S THE problem, Miss Bianca?” nag-aalalang tanong ng isang babaeng guro na katrabaho rin ni Teacher Bianca sa Madson University pagkapasok na pagkapasok niya sa loob ng teachers’ office na nakasimangot.
Nang marinig niya ang tanong nito ay malakas na bumuntong-hininga si Biance at saka hinilot ang sentido habang naglalakad patungo sa kaniyang puwesto na siyang katapat lamang ng teacher na kumakausap sa kaniya.
“Nag-aalala kasi ako sa dalawa kong estudiyante na kasalukuyang nasa hospital,” sagot niya sa tanong nito at ibinaba ng ang mga hawak na libro, attendance book at iba pang kagamitan sa pagtuturo sa kaniyang estudiyante.
Katatapos pa lamang kasi niya sa pagtuturo sa first period kaya naman magpapahinga muna siya sa office kung saan kasama niya ang kapwa niya
