Pinunasan ni Steven ang ketchup sa gilid ng bibig ni Katniss.
Kasalukuyan kasi silang kumakain ngayon sa kaniyang kuwarto. Agahan nila iyon matapos silang magbangayan kanina.
Mabuti na lang talaga at hinayaan na siya ng binata na maligo. Ngunit syempre, tinulungan siya nitong maligo dahil hindi kaya ni Katniss ang maglakad mag-isa.
"Ang kalat mong kumain," bulong ni Steven sa dalaga.
Napanguso na lang si Katniss sa sinabi ng binata dahil hindi niya inaakala na magiging makalat siya.
Kumakain kasi siya ng potato fries. Hindi kasi nagse-serve ang mga restaurant dito ng french fries na frozen. Lahat ng gulay rito ay fresh.
Kung gagawa sila ng burger patty? Giniling na karne ng baboy o hindi kaya ay karne ng baka.
Hindi sila gumagamit ng mga frozen foods dito dahil hindi naman iyon heal
