Cintha
“Hindi namin kailangan ng handicap. Ang yabang mo,” bulong ko habang pinagmamasdan si Kirby na papalayo. Kampante si Kirby na sa huli, ito pa rin ang mananalo. ‘Di na niya kailangan pang mag-effort dahil talo na kami kahit hindi pa tapos ang laro. Kaibigan ko si Kirby pero nakakainis talaga ang kayabangan niya. “Pasensiya ka na kay Kirby. Huwag mo na lang pansinin.”
“Nagseselos yata sa akin. Boyfriend mo ba iyon?” tanong ni Timothy.
Natatawa akong umiling. “Hindi. Kaibigan ko siya. Wala akong boyfriend.”
“Gustong manligaw ni Kirby kay Cintha pero laging friendzoned,” singit ni Didang na nagkandahaba ang nguso.
Tinampal ko ang braso niya. “Hoy!”
“Totoo naman. Nagseselos ‘yan tiyak kay Timothy. Alam mo naman si Kirby, ayaw kang maging close sa iba,” paliwanag ni Didang. “At k
