Cintha
Parang gusto niyang i-intimidate si Timothy na ginagawa ni Kirby kapag may mga lalaking gustong lumapit o makipagkaibigan sa akin. Sana naman huwag masamain ni Timothy at mailang dito. Baka makutusan ko si Kirby nang wala sa oras. Bisita pa rin si Timothy sa lugar namin kaya ayokong magkaroon siya ng ‘di magandang karanasan sa bakasyon niya. Gusto lang naman niyang sumali sa laro.
Hindi naman nailang si Timothy at inabot ang kamay kay Kirby. “Hi. I’m Timothy, guest ako sa resort.”
“Ako si Kirby, best friend ni Cintha.” At tinanggap ang pakikipagkamay ni Timothy pero matiim pa rin ang anyo.
“Nice to meet you,” magiliw naman na sagot ni Timothy na ‘di iniinda kung sambakol man ang mukha ni Kirby dito.
“Si Ken, ang captain ng football team namin sa school.” At ipinakilala ko ang
