MAAGANG NAGISING si Anna. Nakapagluto agad ng alumusal,at nakapaglinis sa maliit nilang sala. Nang matantiyang sapat na ang tulog ng mga kapatid, binuksan niya ang TV, at nagsimulang maghain. Natigilan siya sa balitang narinig, at napatingin sa screen. Huminto sa ginagawa, at matamang pinanuod ang reporter na nakatayo sa harapan at nagbabalita. Pinakinggan niyang maigi ang sinasabi nito tungkol sa isang krimeng naganap daw ilang oras pa lamang ang nakalilipas. Saglit lang ang pagbabalitang 'yon; isang flash report. Sa likuran nito'y naroon ang mga taong nag-uusyoso, at mga otoridad na nagsasagawa ng pagsusuri at imbestigasyon.
Tila may malaking trosong sumalpok sa kanya. Ang mabilis na pagtibok ng puso ay nagpasakit sa kanyang dibdib. Naramdaman niya ang pangangapos ng hininga. Malamig an
