MAG-A-ALAS DOS na ng hapon nang magkasalo-salo sa pananghalian ang magkakapatid. Walang salitaang namagitan sa harapan ng hapag-kainan. Wala silang naging imikan at pare-parehong nagpapakiramdaman. Walang naglakas loob magbukas ng usapan; walang naging kuwentuhan at naging... tanungan. Tila hindi interesadong malaman ang katotohanang ayaw mahantad at gustong na lang kalimutan.
Hindi nakatiis si Marga. Ang takot at pag-aalala sa mukha ng nakatatandang kapatid ay hindi natagalang makita.
"Huwag ka nang mag alala. Iba ang naging hinala ng mga pulis sa tunay na nangyari. Wala nang dapat ikatakot. Ipanatag mo na ang loob mo."
Nag-angat ng mukha si Anna at malungkot na pinagmasdan ang nakababatang kapatid. Malalim na buntong-hininga ang hinugot sa nagsisikip na dibdib, at lumunok muna upang
