Terrence POV
Hindi ko maiwasan ang mapangiti habang pinagmamasdan siyang matulog. Matapos ng nangyari kanina ay tuluyan na siyang nakatulog. Marahan kong hinaplos ang kanyang buhok at inaalis ang mga hibla na tumatakip sa kanyang mukha. Kinintalan ko siya ng halik sa kanyang noo. At tuluyan siyang sumiksik sa aking dibdib.
Napakasaya ko, alam kong walang permiso ko siyang dinala dito. Pero wala akong kahit kaunting pag-aalinlangan na gawin ang plano ko. Ang plano kong kasal pagkauwi namin sa hacienda.
Sa ngayon ay si Lola pa lang ang nakaka-alam ng plano. Simula noon ay alam na niya ang tungkol sa nararamdaman ko kay Gabriella. Siya din pala ang gumawa ng paraan para makapasok sa mansyon si Gabriella at ang nag-alaga sa akin sa hacienda. Kaya malaki ang naging parte niya para sa aming
