ATARAH
NAKAAWANG ANG BIBIG KO HABANG papasok kami ni Sir Damon sa isang Japanese restaurant kung saan pinili ni Oliver na mag-meeting silang dalawa. Bukod kasi sa para kang nasa Japan talaga dahil sa mga disenyo sa paligid, ay nakasout pa ng costume ang mga bumabati at nag-a-assist sa amin na mga waitress.
“Reservation for Oliver Mazariegos,” saad ni Sir Damon sa babaeng naka-costume na sa tingin ko ay waitress. Kuminang pa ang mga mata nito nang makita si Sir Damon na akala mo nakakita ng artista. Hindi ko naman maiwasan ang mapangiwi dahil sa inis.
“T-This way, Sir,” malanding sagot ng babae at ngumiti pa nang matamis.
Iginiya kami ng waitress sa isang private room at nang buksan niya ito ay nakita kong naroon na si Oliver at naghihintay. Naunang pumasok si Sir Damon at nang akmang
