Hera's POV
"Bakit ba hindi ka mapakali diyan? Ni hindi mo pa din ginagalaw ang pagkain mo." Sita sa akin ni Kuya Hiro nang mapansin ako nito.
"Nag aalala kasi ako, Kuya. Baka kung ano na ang nangyari doon sa dalawang 'yon. Dapat ata ay hindi ko na sila iniwan at di na ako nag punta pa rito." Wika ko.
Nandito kasi kami ngayon sa kainan na hindi kalayuan sa bahay namin.
Sumunod ako sa kanila rito para sana bigyan ng privacy ang pag uusap nina Owen at Vaun.
Pero di ko din naman maiwasan na hindi isipin na baka nagkasakitan na silang dalawa.
Lalo na't ganoon ang nangyari sa school kanina.
"Huwag ka nang mag alala, Hera. Nag punta naman na doon si Calix at isa pa, hindi naman siguro sila para magkasakitan na dalawa. Dahil kalmado naman na si Vaun hindi katulad kanina." Sambit ni Ate Vict
