CHA’s POV
Mas unang matatapos ang klase ko kaysa kay Tor. Kaya noon nakakapag-duty pa ako sa library, at paglabas ni Tor sabay na rin ang pagsasara ng library.
Hindi na ako pwedeng pumunta sa library dahil naka-duty si Brent. Hindi rin matutuwa si Tor, kung doon ko siya hihintayin.
Nag-aaral pa lang kami ni Tor, pareho kaming 20 years old at kasal na kami. Kahit sa edad kong ito, may mga bagay na dapat akong matutunan. Una ang pagpapasakop sa aking asawa. Kung pagbawalan ako ni Tor, may dahilan siya. Inilalayo lang niya ako sa kapahamakan at ganoon din ang relasyon namin. Dapat dalawa kaming mag-ingat nito lalo na ngayong alam namin na si Brent ay kasalukuyang boyfriend ni Julianne – ang ex girlfriend ni Tor.
“Hon, tapos na ang klase ko? Saan kita hihintayin?” nagpadala ako sa kanya
