Chapter 55
"Magkaiba ang ginawa natin sa ginawa nila Cassius," tugon ni Wallace.
Napapalunok na lang ng laway ang makisig na binatang si Wallace habang titig na titig siya sa guwapong mukha ni Prinsipe Aariv. Sobrang kinis ng kutis nito na para bang walang kabutas-butas o pores ang mukha nito.
Lalo siyang napapalunok tuwing napapatingin siya sa asul na mata nito. Para bang kapag nakatingin siya sa mga mata nito ay nahihipnotismo siya. Parang sinasabi nito sa kanya na tumingin lang ito sa mga mata niya habang buhay.
Heto na naman siya na parang magtuturo ng s*x education sa isang sireno. Iniisip niya na wala naman masama kung sabihin o ipaliwanag niyang mabuti kung ano ang ginawa nila Cassius at ni Kael.
Alam ni Wallace na si Kael ang kasama ni Cassius at wala naman siyang pakialam k
