NAGING MAAYOS naman ang daloy ng mga araw ko sa mga nagdaang araw. Mas lalo kong nakilala ang buong Castillo. Ayos naman silang pamilya. Iyon nga lang, may gusot pa rin sa mga buhay nila na naghihintay ng tamang panahon para maisaayos ang mga ito.
Nakapapagod talaga ang katulong—lalo na sa isang mansiyon na pagkalaki-laki. Higit sa lahat, kayong dalawa lang ang katulong sa mansiyon na iyon. Wala naman akong ibang magawa dahil hindi ako puwedeng umangal. Naalala ko ang dahilan ni Lei kung bakit hindi na sila tumatanggap ng katulong at driver, dahil daw mga hindi mapagkakatiwalaan ang ibang mga tao—nakalusot lang ako dahil nga iniligtas ko RAW si boang na Fernan.
Ayon kasi sa kuwento ni tanda at maging ni Jester Guwapo, ang dahilan daw ay dahil nahuli ni Lei na may nagnanakaw ng mga alahas
