ISINUOT KONG MULI ang dress na peach at sapatos na may hindi kataasang hills na ibinigay ni Jester noon sa akin nang harapin namin ang kumukulit sa kaniyang babae. Ilang minuto na lamang ay aalis na kami, siya na lamang ang hinihintay ko patungong puntod ng kaniyang babaeng anak na si baby Athena.
"Ang tagal mo naman!" kunwaring angal ko kay Jester nang makita itong pababa ng hagdan. Napatawa ito sa akin. Ang guwapo ulit ni Jester sa suot na white polo, white fitted trousers, at white na sapatos. All white!
"Hindi kaya ako kuhain nito ng langit?" tanong niya matapos tuminging salamin dito sa sala.
"Pinagsasabi mo? Bagay kaya sa iyo. Isa pa, ang linis at guwapo mo lalong tingnan sa ganiyan mong hitsura," manghang saad ko na kulang na lang ay ipalakpak na ang dalawang kamay. Grabe itong
