CHAPTER 33
---
“Pakisampal ako, Dori.”
Naghintay ako na baka may dumapong palad sa akin pero wala akong naramdaman kaya tinignan ko ang kasama ko. Nagulat ako nang makita ang mata niyang lumuluha.
“Umiiyak ka?”
Hinila ko siya sa likod ng pekeng puno na nandoon kung saan meroon pa ring lamesa at upuan. Baka kasi biglang lumingon si Lanzeus sa pinanggalingan niya at kami pa ang makita.
“Ate, hindi ko matanggap,” umiiyak niyang sabi nang makaupo. “Ang hirap tanggapin na bakla si Sir.”
Binaba ko muna si Zeven sa katabing upuan dahil kanina pa siya lumilikot sa kamay ko.
“Bakla ba talaga siya?” hindi makapaniwalang tanong ko habang nakatulala sa flower vase na nasa gitna ng lamesa. “Baka naman hindi talaga. I mean baka nagkakagusto siya sa babae at lalake.”
U
