"Ilang araw kitang hindi nakita, ah. Ano bang trabaho mo?"
Naghugas ako ng kamay at hindi siya sinagot. Magluluto na lang ako ng sinangag at ipagtitimpla ko na lang si Lanzeus ng kape.
"Bakit hindi mo ako pinapansin? Famous ka ba? Maganda ka ba?"
Hindi ko mapigilang tignan siya at sagutin. "Bakit ba papansin ka? Hindi ka naman famous. Gwapo ka ba?"
Eksaheradang lumaki ang mga mata niya. "Ang gwapo ko kaya!"
"Self support ang tawag doon," sabat ko.
"Hindi. In born na 'to," pilit niya.
"Sige, patuloy mo 'yan," sabi ko na lang at tumalikod sa kanya.
Nag-slice ako ng sibuyas at saka bawang. Mabuti na lang malaki ang lutuan kaya kahit nagluluto itong family cook nila ay makakasingit ako.
"Para kanino ang niluluto mo?" tanong na naman niya pero nag panggap akong parang walang narinig.
