CHAPTER 27
--
"Ayos na nga ako!" sigaw ko kay Lanzeus.
Ang kulit ng lalaking 'to. Ang tanda na niya pero parang batang hindi makaintindi.
"Why are you shouting at me? I am your boss!"
Pumikit ako at huminga ng malalim bago inulit ang sinabi ko. "Ayos na nga ako," sabi ko sa mahina at kalmadong boses.
"Maglakad ka nga," utos niya at umatras palayo. "Lumapit ka sa akin."
Bumuntong hininga ako at tumayo mula sa kama para subukan kung makakalakad na ba ako. Hindi pa rin iyon naghihilom masyado pero kaya ko nang ihakbang ang mga paa ko, 'yon nga lang ay paika-ika.
"Sandali," sabi ko at humugot ng malalim na hininga. Kinakabahan ako na para akong makikipaglaban ng unang beses.
"Don't force yourself if you can't do it," aniya at akmang lalapit sa akin pero pinakita ko ang palad ko na pa
