Sulat Kamay

Episode Forty-Nine

THE LATECOMER

ANG MOMMY ni Felix na si Shirley ang nagbukas ng pinto sa kanya. Bakas sa mukha nito ang worriedness pagkakita kay Felix.

“Kanina ka pa nag-text na pauwi ka na, ‘di ba? Bakit ngayon ka lang dumating?” Pabulong na sita sa kanya ng Mommy niya na parang ayaw nitong iparinig sa iba nilang kasama sa bahay na dumating na siya.

“Mommy...” Mag-o-offer sana ng explanation si Felix habang itinataas nito ang hawak na box ng donuts pero hinila na agad siya ni Shirley papasok ng bahay.

“Du’n ka muna dumiretso sa kuwarto n’yo ni Jervy. ‘Wag ka munang magpakita sa Daddy mo. May bad temper siya ngayon dahil bigla kang nawala sa laro ng kid brother mo kanina. ‘Pag nakita ka niya, baka higit pa sa sigaw lang ang abutin mo. Ikaw naman kasi, Felix! Ba’t bigla mong naisipang umalis nang hindi