"DIYOS ko! Ano na kaya ang nangyari sa apo ko?" maluha-luhang sambit ni nana Rosing habang nasa sala sila ng mansion. Naroon din ang Don Demetrio na kagaya niya'y mababakas din sa hitsura ang labis na pag-aalala para kay Jen.
Si Esrael naman ay hindi matigil sa pagparoo't parito ng lakad. Hindi mapakali.
"Rosing, don't worry! I'm sure na makikita rin natin si Jen. Walang may masamang mangyayari sa kaniya." anang Don Demetrio.
"Hindi ko lamang maiwasan na hindi mag-alala ng labis para sa apo ko! Lalo pa sa klase ng sitwasyon niya ngayon." saad nito. "Sino naman kaya ang kukuha sa apo ko? Mabait na bata naman si Jen. Wala akong kilala na kaaway niya." dagdag pa nito.
Malalim na buntong-hininga ang pinakawalan ng Don pagkuwa'y tumayo sa kaniyang puwesto. Nilapitan nito ang matandang Rosi
