TAHIMIK lamang na nakatanaw si Jen sa labas ng bintana habang binabaybay na ng kanilang sasakyan ang kahabaan ng highway sa Bulacan. Samo't saring mga bagay pa rin ang laman ng kaniyang isipan sa mga sandaling iyon. Saglit na ipinikit ni Jen ang kaniyang mga mata mayamaya kasabay ng paghugot ng malalim na paghinga at pinakawalan iyon sa ere. Bagay na siyang nakaagaw sa atensyon ng kaniyang driver na si Miguel.
"Señorita..." untag na saad nito. Matapos sumilip sa rare view mirror ay muli nitong ibinalik ang paningin sa unahan ng sasakyan. "Okay lang po ba kayo?" tanong pa nito.
Ilang segundong hindi kumibo si Jen; mayamaya ay tinapunan ng tingin ang binatang nasa drivers seat. "Oo." tipid na sagot nito.
"Sigurado po kayo?" tanong nito at saglit na nilingon ang amo sa back seat.
"O-okay
