KUMUNOT ang noo ko nang makarinig ng ingay. Bumaling ako sa kabilang direksiyon ng kama at pinilit ang sariling balewalain lang 'yon, ngunit patuloy ang naririnig kong ingay sa labas ng kwarto ko. Someone's knocking on the door.
Inaantok akong nagmulat ng mga mata. Marahas akong napabuntong hininga bago tinatamad na bumangon sa kama. Nang pagbuksan ko ng pinto ang taong nasa labas ng kwarto ay sumalubong sa akin ang isang kasambahay.
"Good morning po, Ma'am Kirsten," bati niya sa akin.
"Good morning din. By the way, what do you need?"
"Pasensiya na po, Ma'am Kirsten. Naistorbo ko po yata ang tulog mo. Pinapatawag ka po kasi ni Sir at Ma'am sa ibaba."
Nagkasalubong ang kilay ko sa narinig. Ano ang maaaring dahilan para ipatawag nila ako roon nang ganito kaaga?
"Okay, bababa na ako."
