"WHAT are you doing?"
Natigilan si Archer sa ginagawa nang marinig ang tanong ko. Napabuntong hininga siya bago tumayo nang tuwid at bumaling sa direksiyon ko.
"I'm packing my things."
"I know! I could see it!" pasigaw kong sabi at hindi siya makapaniwalang pinagmasdan sa harapan ko. Sa tabi niya, sa ibabaw ng kama, ay nakalapag ang isang maleta. Nagkalat naman sa sahig ang ibang bag niya. "Ang ibig kong sabihin ay ano 'tong ginagawa mo? Talagang aalis ka at pupunta sa Cebu?"
Napahilot siya sa sintido niya bago tumango. "I told you, I have work—"
"Ipagpapalit mo ako sa trabaho mo?" Natigilan siya sa naging tanong ko, pero kinalaunan ay tila biglang nainis. Bumakas 'yon sa pagmumukha niya.
"Can you please stop being irrational, Kirsten? Lahat na lang ng ginagawa ko ay may ibig sabihin
