"TAMA na 'yan. Kumain muna tayo. Mamaya mo na ituloy 'yang ginagawa mo." Awat ni Lucas sa asawa na noon ay abalang-abala sa pagtatrabaho.
"Mamaya na. Malapit na 'tong matapos." tugon ni Geri ngunit hindi inaalis ang atensyon sa binabasa sa kaniyang laptop.
"Tumigil ka na nga. Puro ka na lang trabaho." Pinihit nito ang swivel chair niya paharap dito.
"Ang sungit naman ng assistant ko! Mas bossy ka pa sa 'kin." naiinis niyang reklamo.
"Concern lang ako sa health mo. Sige na. Patayin mo na 'yan."
"Eto na po."
Matapos patayin ang laptop ay tumayo na siya at kumapit sa braso ni Lucas. Naglakad na sila palabas sa opisina at nagtungo na sa restaurant.
Masaya silang nagkukwentuhan habang naglalakad. Subalit biglang nagbago ang mood ni Lucas nang makapasok sila sa loob ng restaurant.
Natigi
