ABALA si Geri sa pag-iinventory sa kitchen nang lapitan siya ng isang staff.
"Miss Geri, may naghahanap po sa inyo."
Tinigil niya ang ginagawa at bumaling dito. "Sino?"
"Abogado raw po siya ng nanay ni sir Lucas. Nando'n po siya sa opisina ni mamang at hinihintay kayo."
Tila bigla siyang nanghina sa sinabi nito. Tulad nang napagkasunduan, inaasahan naman niya talaga ang pagdating ng abogado ni Victoria sa resort nila upang ayusin ang annulment nila ni Lucas. Subalit hindi niya inaasahan na darating ito agad. Mukhang nagmamadali talaga si Victoria para mapaghiwalay silang dalawa ng anak nito.
Napabuntong hininga si Geri. Kani-kanila lang ay naka-usap na nila ni Amanda ang private investigator na inupahan niya para alamin ang totoong nangyari kay Lucas dalawang taon na ang nakakaraan. A
