HINDI pa rin maipinta ang mukha ni Geri hanggang makapasok sila sa loob ng bahay. Padabog siyang naupo sa sofa. Naupo si Lucas sa tabi niya. Pinulupot nito ang mga kamay sa beywang niya at hinalikan siya sa balikat.
"Anong nangyari sa lakad mo?"
Narinig niya ang mahaba nitong hininga.
"Pumunta ako sa hospital kung saan ako na-admit at na-operahan dati. Kaya lang hindi nila makita ang medical records ko. Nag-email ako sa hospital sa U.S. kung saan ako nag-therapy no'n kaso gano'n din ang nangyari. Kaibigan ni mommy ang may-ari ng mga hospital na 'yon, kaya feeling ko si mommy ang may pakana nito para magkasira tayo."
Napa-iling na lang si Geri sabay tawa. Pakiramdam niya ay niloloko na lang talaga siya ni Lucas.
"Halatang nagpapalusot." naiinis niyang bulalas. Nagpumiglas siya mula sa
