NAALIPUNGATAN si Lucas nang maramdamang wala si Geri kama. Saka lang siya nakahinga ng maluwag nang marinig ang lagaslas ng tubig mula sa shower sa loob ng banyo. Napatingin siya sa nakasabit ba wall clock, alas-sais na ng gabi. Marahil ay naghahanda na ito para sa pagpasok sa resto bar.
Bumangon na siya at naupo sa kama. Kinuha niya ang box na nakapatong sa side table at muling tinignan ang mga laman ng niyon.
Hindi mapuknat ang ngiti sa mga labi ni Lucas habang isa-isang tinitignan ang mga pictures nila ni Geri na kinunan mahigit dalawang taon na ang nakakaraan, mga larawan ng dalawang taong halatang labis na nagmamahalan. Walang masyadong nagbago sa hitsura ni Geri. Napakaganda pa rin nito. Ang tanging nagbago lang ay ang hairstyle nito. Ang dating mahaba at alon-alon nitong buhok ay
