NAGISING si Geri nang marinig ang sunod-sunod na pagbahing ni Lucas. Nang magmulat siya ng mga mata ay nakita niya ito na nakabalot ng kumot ang katawan at giniginaw. Sinalat niya ang noo nito. Napapalatak siya nang maramdamang inaapoy na naman ito ng lagnat.
"Ayan! Nabinat ka na. Ang kulit-kulit mo kasi."
Nginitian lang siya nito. "Blame it on your measurements."
"At bakit?"
"Ang sexy mo kasi. Hindi ko mapigilan ang sarili ko 'pag nakikita kita."
"Ikaw may sakit ka na nga, ang landi-landi mo pa."
Masakit man ang buong katawan dahil sa paulit-ulit nilang pagniniig ni Lucas kanina ay pinilit niya pa ring bumangon. Kumuha siya ng maliit na palanggana at nilagyan iyon ng maligamgam na tubig. Kumuha rin siya ng bimpo tapos ay naupo sa gilid ng kama.
"Bumangon ka. Pupunasan ko ang katawa
