Kumunot ang noo ko sa sinabing iyon ng aking anak. Hindi ko alam kung saan nanggaling ang kaisipan niyang iyon lalo pa at sa babaeng iniligtas ko rin mula sa isang misyon noon.
“Bigyan mo ng pagkakataon ang sarili mong mahalin siya papa. Maganda, mabait at gusto ko si Maggie para sa iyo,” nakangiting wika ni Krishna.
Naisapo ko ang kanang palad sa’king noo at doo’y naihilod ko iyon.
“Kung nandito si mama alam kong iyan din ang kaniyang sasabihin sa iyo, papa.” Napatingin ako sa braso kong kinapitan ng anak ko.
“Papa bigyan mo ng chance ang sarili mong mahalin si Maggie. Bagay kayo at gusto kong bigyan niyo rin ako ng kapatid katulad nina mama at papa Samuel.” Tumingin sa mga mata ko si Krishna habang patuloy na sinabi, “hindi man kayo ni mama ang nagkatuluyan hanggang sa huli, ayos lan
