Dia's POV
Nagising ako na nasa kulay green na kuwarto ako. Isang magandang babae ang nakita kong nakatingin sa 'kin pagkadilat ng mga mata ko. Mahaba ang kanyang buhok na kulay green, matangkad at nakasalamin. Para siyang nurse na cosplayer na mukhang nerd. Pero maganda siya.
"Nasaan po ako?" tanong ko sa kanya. Seryoso siyang nakatingin sa 'kin. Parang kinikilatis pa niya ako. Hindi niya ako sinagot agad at hinawakan pa niya ang kamay ko.
"Sino ang magulang mong babae?" tanong niya kaya nagulat ako. Binawi ko ang mga kamay ko sa kanya dahil masyadong mahigpit ang pagkakahawak niya sa 'kin. Natakot ako bigla sa inasta niya. "S-si Tilda Esteban po," sagot ko agad.
"Saang bayan ka dito galing?" tanong pa rin niya.
"Actually, galing po ako sa mundo ng mga normal," sagot ko kaya naiba big
