Dia's POV
Kasabay kong tumatakbo sina Daphne, Nolina at Selloa. Natakot ako dahil akala ko ay magugunaw na ang mundong ito. Tatlong sunud-sunod na malalakas na kulog at kidlat tapos lumindol pa ng malakas, kaya sino ang hindi mapapatakbo? Kahit sina Professor Lotus ay napatakbo rin.
"Ano na naman kaya ang problema ni Prinsipe Amir?" dinig kong tanong ni Daphne. Sa garden kaming apat nakarating. Humupa na kasi ang lindol kaya tumigil na kami sa pagtakbo.
"Hindi ko rin alam. Pero sigurado akong tungkol na naman ito kay Millie," sagot ni Nolina.
"Ibig sabihin ay si Prinsipe Amir pala ang gumawa no'n?" sabat ko sa kanila. Ang lakas pala talaga ng Prinsipe. Nakakatakot ang kapangyarihan niya.
"Siya nga," sagot ni Selloa at nginitian pa niya ako. Naiba ata ang ihip ng hangin. Nagulat pa a
